ياجرح توّك .. ماغدى عمـرك إسبـوع
لاتلتهـب .. وأيـام عمـرك طويلـه ؟؟
قدامك(سنيـن العمـر) تـدبـل الـلـوع
تطوي هوى العاشق وتقطـع سبيلـه ..!
بأبطي و(عين الحـب) ماتكفـح دمـوع
وبأبطي و(حمل الجـرح) قلبـي يشيلـه
أخلفـت قلـبً .. لـو مادونـه إضلـوع
خطرن عليه إمن الطواري .. تزيلـه ؟؟
وإن شفت (دمع العين) ماهوب مصنـوع
تبكي قهر .. لـو كـان عينـي (بخيلـه)
أسقيتني مـن كاسـك المـر .. قرطـوع
وأبكيتني ياجرح .. فـي كـل ليلـه ..!
ياجـرح نسيانـك مثـل حبـة الـكـوع
نسيـان مثلـك .. حاجـةٍ مستحيلـه ..؟
مـا دام راح اللـي فلاهـوب مرجـوع
عيبٍ علي .. أتبع خطـاوي رجيلـه !!
أقفى وأنا حظـي مـن (الحـب) مقلـوع
وبأموت ما جاب الهوى حاجتـي لـه ؟؟
(القلب) من عقب الغضي .. ماله أربـوع
إنكـف معاميلـه .. وعـجّـل رحيـلـه
ماهوب فـي (طـرد المقفيّـن) مطبـوع
لو كان .. مايقـدر إيحصـل بديلـه ..!
((يموت موتة عـز .. لوموتتـه جـوع
ولايشحـذ المـده .. ولوهـي قليـلـه))
ياصاحبي ماجيت من (غصـن مقطـوع)
مثلـي يحـرّم دمعتـه مــن شليـلـه
يطيح في (درب العشاشيـق) مصـروع
ولاتفطن (العالـم) إبجرحـه و ويلـه ؟؟
ولاّ .. أنت طحت أبحر الأوهام مجـزوع
بين الهروج السامجـه .. والرذيلـه ..!
((لاصار لك هرج العواذيـل .. مسمـوع
(باب القطاعه) خيـر بـابٍ .. نجيلـه))
أقطَعه مـن سيـره .. وقفّلـه موضـوع
ما دام ذا (حبك) فـلا فيـه .. حيلـه !!
ياراشد المـري تـرى القـاف ممنـوع
لحدن يجي طرقه .. ولحـدن يكيلـه ..؟
أبغي سواتـك يعسـف القـاف وإيطـوع
لابـو عميلـن .. مايواسـي عميلـه ؟؟
((أنا أبتلشت ومطلب الحـق .. مشـروع
ومثلك على درب العـوارف .. دليلـه))
((وش حيلتي .. لاصرت مغرم ومقـروع
ولا أشوف زوله .. بإي حال و وسيله))؟؟
راح وترك (جرحه) على القلب مـزروع
يسقيه من (ذكرى) العيـون الكحيلـه ..!
لابو (الوصل) ما دامـه أيـام وإسبـوع
ولابو خليلـن .. مايقـدّر .. خليلـه ؟؟
:
:
:

الى جااااااااااك من فوح الدهر لحقنا غلووووووووة ياخوي

تسلمين فديت شماليه

ماهوب فـي (طـرد المقفيّـن) مطبـوع
لو كان .. مايقـدر إيحصـل بديلـه ..!


يعطيك الف عافيه

مشكور اخوي على الشعر الجميل
الله يعطيك العافية

الله يعافي الجميع