زاد الكلام ...

--------------------------------------------------------------------------------




هذه قصيدة اعجبتني
واتمنى ان لا تكون موجودة من قبل


زاد الكلام ولا بقـى شـي ينقـال
وتكاثرت يا شيخ شقـح الأقاويـل

هذا الأكيد وعندنـا أزمـة رجـال
حنّا بزمن شح الرجـا والرجاجيـل

طالت شوارب كل خايـن ومحتـال
وصارت مسارح للمراجـل وتمثيـل

دور البطل في لبسته بشـت وعقـال
ودون الحقايق حط للنـاس تضليـل

للسيف حق برقبة كـل مـن مـال
له يخضع اللي غلطتـه زادت الكيـل

من لا خضعنا له ... غزانـا بمرسـال
مهمتـه زرع الفتـن والعراقـيـل

مثلك يصنّف حلهـا بألـف حـلاّل
وغيـرك يكبّرهـا علـوم وتهاويـل

والشاطر اللي ما تسـرّع ولا قـال
ماهي رخيصة كلمته ينطـح السيـل

بالصمت حكمة كان بعض الحكي طال
والمختصر يكفيك عن كـل تطويـل

حنّا اكتفينا وأنت تـدري بالأحـوال
لاسباب فيها ألـف علّـة و تعليـل

الراي يطلب كان صارت به أعمـال
و حنّا نقـرر رأينـا بـأول الليـل

يا شيخ ما نركع تحـت ظـل تمثـال
إلاّ لـرب فصّـل الحـق تفصيـل

والحمـد لله عندنـا عـزّة الحـال
عن غيرها مـا نقبـل بـأي تبديـل

انشد صحاري نجد عن بيض الأفعـال
تعطيك وصف مـا تضمّـه تماثيـل

يعطيك العافيه مره حلوه وتقبل مروري

صحيح طالت شوارب كل خاين ومحتال
يعطيك العافية والله روعه

يعطيك العافيه
تقبلو مروري