على المغرب .. وانا جالس اعد من القصايد بيـت
يجدد مامضى البـارح .. ويحيـي .. ابتساماتـي
تذكرت الأماكن / والأسامي / والصبا / وابطيـت
اروح لكل معنـى كـان ساكـن .. فـي بداياتـي
وصلت لغاية انصاف الكلام .. وصابنـي تشتيـت
وعلّمت القصص // والذكريات .. وصنت صفحاتي
أعلمهم جنـون الحـب .. لآ نـادى ولآ أوحيـت
واعلمهم سنين الصمت والتفكيـر .. واصواتـي
واعيد الذكريات أحيان لامـن رحـت وإلا جيـت
واعيش أقرب تفاصيـل الأماكـن وأكتبـك ذاتـي
واروح لكل مطلع من قصيـده والعـذر .. زليـت
واسافر في متاهات الحـروف .. اجـر خطواتـي
على أرض المطار .. اللي سبب جرح الزمن مريت
على أوجاع القلم .. مر القلم .. يكتـب معاناتـي
رحلت لعالم الذكرى .. وانا مـن غربتـي غنيـت
تعالى صوتي المبحوح .. مـن شـرق اتجهاتـي
إلى دار الهـوى الأول .. أسـج البـال لا عديـت
واردد سجتـي لا عانـق أول شطـر .. بابياتـي
وقفت اناظر الموقف .. علام الليل فيـه ابطيـت
تهيآ صورته فـي ليلـي المجهـم .. وقمراتـي
ألا ليت الخيـال اللـي يبارينـي ليـا .. لديـت
يجيب المشهد التالي .. واشوف المشهـد الآتـي
يناديني زمـان أول / وانـا مـن بعـد ماقفيـت
نهـش قلبـي كثيـر الآه .. واعيتنـي خيالاتـي
سمعته يوم نادانـي ولعيونـه .. رضـى لبيـت
وفزت في معاليقي حروفـي .. واعظـم آهاتـي
صدى صوته امل بكره .. ولا مثله صدى له صيت
صداه يعيد ضحكاتي .. ويرضخ داخلي // عاتـي
صحيت من السبات اللي عرضني .. بس ماضنيت
صحيت من الجنان اللـي تملكنـي مـع سباتـي
وفقت اردد ابياتي .. زمان الصمت وأجمـل بيـت
كتبته لجل تستانـس معـاه ان شفـت بسماتـي


وسلامتكم ...
اختكم دموع الشوق

يعطيك العافيه


على الطرح الجميل


تقبلي مروري اختي دموع الشوق



دمتي بخير