أتعس بنات الديرة ( البطرانـه)
اللي تجيـك مربربـه رويانـه
تعيش في قصر وابوهـا تاجـر
متمرّده ومن الدلـع (فسقانـه)
اللبس تلبس ماركة( جيفينشي)
ماهو بلبس الوحـدة الفقرانـه
اللي تدوج بماركات( العليا)
والا تلاقيهـا بسـوق الـدانـه
تحب تتفشخر وتركـب غالـي
( بي أم ) كحلي تنشفط بيبانـه
وسواقها هندي ويلبـس غتـره
من زود خوفه ترتجف سيقانـه
تدوّر الشاعـر وتلقـى رقمـه
تدق ثم ترسل : أنا غلطانـه !
ولا شاف اخونا رقمها المتميّـز
اللي يتشابه لين ثامـن خانـه
يرد : لا عادي وانـا أتشـرّف
بالمعرفه يا أختـي الانسانـه !
وترد ترسل نكتـه أو معلومـه
تجس نبض مخيخـه وميزانـه
ويرد يتأهـأه اخونـا الشاعـر
ويرسل موسيقى (دان دانه دانه)
وتبداء مشاعرهم كـذا تتجمّـع
والكل يشكي وحدتـه واحزانـه
مره تقول انهـا سعيـده مـرّه
ومره تقو انها غـدت زهقانـه
ومـرّه تـرد بلهفـه وحنيّـه
ومرات ترسل: نايمه تعبانـه !
واليا انشغل عنهـا ولا كلّمهـا
تقـو ماحبّـك انـا زعـلانـه
مسكين شاعرنا عجز يفهمهـا
الين فـارت نفسـه الطفشانـه
وقـرر يقفّـل كـل جـوالاتـه
ويعـوّد لحبّـه مـع الطفرانـه

السلام عليكم


ههههههههههههه يسلمو اخي


يعطيك لف عافيه

هههههه....تسلم يداتك ..اخوي امير..
تحياااااااااااتي.

يعطيكم العافية

هههههههههههههههههههههههههههه روووعة يسلموووووووووو

يعطيكم العافية على المرور الكريم