بنت مع خطيبها......(( موقف محرج بشكل غير متصور ))

مصرقعه بس مبرقعه · منذ /03-18-2010, 03:46 AM

معليش القصه طويله شوي بس تستاهل انكم تقرونها......

هي من النوعيه اللي خجوووله لابعد درجه . .. و كانت تخجل من خطيبها خجل ماشفت مثله لدرجه انك لو تقطعها ماتاكل قدامه و لا تشرب ..

تقول : جاهم ذاك اليوم خطيبها بعد الظهر(وش يبي ذا جاي الناس بعز الظهاري )... و كانت توها قايمه من النوم (يلعن ام الشكل . اكيد منفخ الوجه و رايح بخرايطها ). ...في عطلة نهاية الاسبوع...( الويكند .. بالانجليزي المعرب ).. ما امداها تفك ريقها ....الا هو موجود خلصت بسرعه بسرعه و ماشبعت طبعا . المهم جلس عندهم و لما جا وقت الغداء كل اهلها قامو يتغدون ... فقال لها خطيبها تعالي تغدي معانا قالت لا انا شبعانه توني فاطره قال لها عشان خاطري تعالي قالت و الله خاطرك على عيني و راسي بس مافيه مكان للاكل مو قادره لاني شبعانه (و هي كانت جوعانه بس من كثر الخجل لو تذبحها ماكلت قدامه )...
المهم جاء العصر و استاذن خطيبها من اهلها انه بياخذها و يروحون محلات الأثاث و يختارون اثاث شقتهم .. وافقوا الاهل و طلعت البنت معاه و هي ميته من الجوع ... جا بينزلها بكافي شوب .. .. قالت له لا ما اقدر اشرب كافي ( و عيونها بغت تطلع من الدريشه من الجوع ودها تاكل المحل بكبره )..قال يابنت الناس تحلين على الاقل .. قالت لا والله قبل مانطلع كنت شاربه كافي و محليه بالبيت ( و هي مناك ماذاقت ريحته ).... ما اقدر اكثر منه ..( و هي من هناك حاسه بدوخه من كثر الجوع ودها توصل البيت ).... لف فيها و لف و لف (و البنت ميته من الجوع و زادت زياده قامت تفكر بافغانستان و الفقراء و كل شي ذيك الساعه خطر على بالها ). .في محلات الاثاث وهي مو قادره تتحرك و تكابر ماتبي تاكل قدامه .... يوم ماقدرت تمسك نفسها قالت له ياليت نرجع البيت لاني مصدعه .... قال لها ابي اعزمك على العشاء برا قالت لا و اللي يعافيك مافيه محل للعشا شبعاااااااانه... رجعو البيت الا امها مسويه لهم عشا و كانت بتطلع ... حطت له العشا و ماكان في البيت الا هي و هو بس .... قال لها تخليني اتعشى الحالي؟؟ تعالي تعشي معاي ... قالت له لا توني متعشيه (اشفيه هذا .. مايفهم ؟ بالغصب يعني ). . قال اشلون توك متعشيه و انتي طول الوقت معاي ... انحرجت ضحكت و قالت له الظاهر اليوم كثرت من الاكل لما قمت و الشيز كيك حليت زياده عن اللزوم احس اني ما اقدر آكل اكثر من كذا ..... مد يده لها بياكلها من ايده قالت له لااا و الله ما اقدر اصر عليها و قال لها عشان خاطري قالت مااااا افدر قال بس هذي اللقمه عشان خاطري بس هذي .. قالت ودي بس احس اني بارجع من كثر ما انا شبعانه و الله ودي ..... عذرها هو قال لها لهالدرجه شبعانه؟؟ قالت و اكثر من كذا .. المهم خلص من العشا غسل ايده و قال لها حبيبتي استأذن انا الحين لازم امشي ( وهي اول مره تتمنى طلعته بسرعه من كثر ماهي جوعانه .. هلكت المسكينه ) قالت له عادي حبيبي حياك الله خلينا نشوفك .. الرجال استغرب انها مالزمت عليه يقعد( قام يطالعها و عيونه تطلع و ترجع ).. المهم مشت معاه الين ماطلع من عند الباب ...
من كثر الجوع ماقفلت الباب و راحت تركض على صينية العشا و هي بالمطبخ و قامت تاكل بشراااااااااااهه و هي واقفه ماقدرت تقعد .. في هذا الوقت خطيبها ناسي مفتاح السياره فرجع و دخل بياخذ مفتاحه و هو قريبها (ولد عمها).. فحب يسلم عليها و يقول لها ان رجع ياخذ مفتاح السياره سمع صوت بالمطبخ دخل عليها .. وهي من كثر الجوع ماحست انه وراها ... جلس وراها مكتف ايدينه و واقف يطالع لها .. وهي تاكل و تاكل و تاكل بشرااااااهه اليين ماخلصت ... توها بتمشي التفتت وراها الا لقته واقف مبتسم و يطالع لها بعين .. .. يااااااا الهي هي اصلا خجوله و تخيلو شافها و هي كذا قال لها ليه كذبتي علي و قلتي لي انك شبعانه؟؟؟ كل هذا جوع؟؟؟؟
البنت أغمي عليها من الاحراج

اتمنى تنال اعجابكم.....~

روح مغليها · منذ /03-18-2010, 06:24 PM

اوما عاااااااااااااااااااااد كل هذا حيا
ياعمري انتي واللللللللللله
بس ااااااااااااااااااااااااحسن انه شافتس ههههههههههههههههههههههههه
الحين لحظه شلون تطلع مع خطيبها لحالهم يووه احنا عندنا فيها قبايل عييييييييييييييب

مصرقعه بس مبرقعه · منذ /06-25-2010, 02:20 AM

هههههههههههههههههههههه
تسلمين حبيبتي على ردك الرائع الي اعتبره وسام على صدري ^,*

مغروره حدي · منذ /06-25-2010, 05:23 PM

هههههههههههه يامسكينه والله حرام
مششششششكوووووووره يعطيك العااااااافيه
جزاك الله الف خير
تحياتي...

حلاتي بـ حركاتي · منذ /06-26-2010, 07:22 PM

ههههههههههههـآـآي مسسسسسسسسسسسسسسسسسسسكينه مـــن جــد

يسسسسسسسسسسلمو

تقــبلوو تحـيـآـآتي""

ليهAالهجر · منذ /08-26-2010, 09:32 AM

الله كل هذا خجل
بعدين كيف تطلع مع خطيبها
احنا لا يوصل الدم الى اركب
>>>>>يسلموووو على القصه<<<<<

رجيتكـ حس فيني · منذ /08-26-2010, 02:40 PM

يـــــــــــــــاويلي
موقف محرج واللهـ تحزن الله لايحط احد مكانها
وي وي مراااااا لا

طيف_ابتسامه · منذ /08-27-2010, 07:02 AM

ههههههههههههههههههههههههههه
مسكينه الحين وين تودي وجها

من كل قلبي · منذ /08-27-2010, 07:45 AM

هههههههههههههههههههــ
طيب ليش يعني عيب المخطوبه تطلع مع خطيبها
انا مخطوبه واطلع معاه عادي يوم ويوم
هع هع هع

مشكوره قلبي ع القصه الحلوه

روحـــ تحبك ـــي · منذ /09-09-2010, 11:36 PM

هههههههههههههههههههههههههههههههه
مسكينه البنيه من كثرة الحيه مالتها
اغمى عليها
[img][/img]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
موقف محرج مره ناطروه	مجروح بدنياه	المنتدى العآم	2	03-17-2010 08:21 PM
موقف محرج	حبك وجع	الونآسه والفرفشه	5	02-25-2010 01:54 AM
موقف محرج بين قتاه و خطيبها	شوكولآته سآخ ــنه	الونآسه والفرفشه	11	02-21-2010 01:35 PM
موقف محرج للعريس	دلوعه والسبب ابوي	منتدى الارشيف والمواضيع المكرره	3	11-14-2009 09:10 PM

الذين يشاهدون محتوى الموضوع الآن : 1 ( الأعضاء 0 والزوار 1)

آلاهدآئـــآت