جاء يشوف الحال كيفه بعد ما هزه حنينه
و قبل يسألني سألته كيف حالك يالحبيب
قال أنا كني غريب ضيع دروب المدينه
قلت أنا كني مدينه تنتظر رجعة غريب
قال أجل وش فيك تكره سيرة الحب و سنينه
قلت أجل وشلون ما اكره سيرته دامك تغيب
انت لا من غبت حتى مرايتك صارت حزينه
كيف ما تبغاني أحزن و انت لي حظ و نصيب
الهدايا و الرسايل و المكاتيب الثمينه
و الليالي و القمر و الريح و الكون الرحيب
كل ما تبعد تجيب الشعر ليه من يدينه
و تقعد جروحي تودي في الطواريق و تجيب
يا بعد كل القصيد و نزوة حداه و أنينه
لا ذكرتك لاح بيت و طاح ورد و فاح طيب
و ان نسيتك ما نساني صوتك المبحوح لينه
ياخذ لجرحي بثاره من خطاياك و يطيب
و بعد هذا جاي ترمي ذنبك بوجه المدينه
ما دريت ان المدينه كلها شمعة غريب

الله يعطيك الف عافيه اخوي(ذوقي رمنسي)..

تسلم ابيات جميله لاعدمناك.

تقبل احترامي لك .

دمت برعاية الله.

السلام عليكم


اسعد الله اوقاتك بكل خيررر اخي الفاضل


كل كلمه فيها معبررة وحزينه لاتخرج الا من قلب صادق ومرهف

عساك على الدوم مبدع

دمت بوود