حائل





ياذيب وين الجوع في ديار برزان
ليه القنيب وكل صوت ترده
*
يشهد لها التاريخ وقصور توران
وتشهد لها سلمى وطعس يحده
*
ارض الكرم والجود من دون نقصان
بارض العرب كل على قد مده
*
ماهي سحابه صيف ديمه وبستان
نبع الكرم فايض ولا حد يسده
*
اقبلت تالي الليل خامل وخويان
ابغى المراح وكل عضو امده
*
وقفت لشرطي وانا خاطري شان
شايل جبال طويق والضيق حده
*
قال اسمعو يالربع منيب خسران
فنجال زاهب ما يضر المخده
*
قلت العفو ياخوك هالك وتعبان
عندي دوام الصبح ولا في شده
*
واصبحت في دار بها نسل شجعان
حاتم وراعي الذيب كل تعده
*
فيها قبايل وصلو كل برهان
ان الكرم والطيب يثمر مرده
*
شمر طوال النار والقدر عمران
ما مات شايبهم ولا الوقت ضده
*
الموقده تشهد على طول نيران
الضيف تالي الليل لا ضاع رده
*
وباقي القبايل كلها روس واعيان
الطيب فيهم منبته ساس جده
*
حايل ترى قلبي معك وين ماكان
بنيت لك قصر من الصعب هده
*
*
*

تسلم الايادي