يشيب الراس لا والله تشيب العين قبل الـراس
الى من سولت نفسه يـدور بالشعـر عـذروب
انا جزل القصيد اللي مرصع بالذهـب والمـاس
انا اللي كل حرف لاكتبتـه مـن حـلاه يـذوب
ابانثر كل بيت وبيت لين اروي عطش هالنـاس
وابانثر كل بيت وبيت لين اروي عطشهم نـوب
يقولون المدى ابعد عرفت ان المـدى مقيـاس
وفصلته بمقياسي مثـل منهـو يفصـل ثـوب
يقولو خوذو الحكمه من مجنـن عليهـم بـاس
عرفت اني جنون الشعر وامشي فالصعيب دروب
انا اللي ماسكرت الا بشعـري لامليـت الكـاس
لوانه جاني مطوع يقـول اسكـر كـذا لاتـوب
اباملا كل حرف بكاس واشرب والعن الخنـاس
واذا هو عيب يافكري ابي تكفى تزيـد عيـوب
وش احلى لاوقفت وقالوا العالم وقـف جسـاس
قصيد مايهـزك مايعـزك لـو تقـود شعـوب
رضعتك يالقصيد اللي رضع من درتـك نـواس
تبنيتك وربيتك وانـا اللـي كنـي المخضـوب
وطيت الهزل لاجل الجزل يوم ان الولد عبـاس
نزل بك بس ضفيتك ولا شكرا علـى الماجـوب
لـذا بلـغ وكالـة واس لاتفتـي وكالـة واس
ترى ماكل من يكتب على جزل الشعر محسـوب

ابن ملووووووووك تسلم كلام روووووووووعه طبعا شي موجديد عليك