ثمان عيون كذابه

على الدمعه ثمان عيون كذابه بكتنـي زيـف
بكتني عذر أو هو غدر أو هي مبطنـه نيّـه
ونا ياكيف بدمحها وبنسا غدرهـا يـا كيـف
وهي جتني توقّظ نار تحـت الضلـع مطفيّـه
ركام أحزانها بصدري ثلاث سنين ماقد شيف
وطيت لجرحها فيني وقلـت اعلاجـه الكيّـه
أدقّ أعناق ذكراها ليا منها طـرت بالسيـف
وأقطّع كل عرقٍ خالها فـي جـال عصريّـه
قلعت من الوجيه عيون خوف اشوفها في طيف
يمر بنظرة أصحابي أسـا ممـا سطـا بيّـه
نزعت شراع مركبها وسيرته بـلا تجديـف
رجا في عاتي الامواج يغـرق ذكرهـا فيّـه
ونا مالي حمول الأرض لجل اطلب لها تخفيف
أنا كل الحمول اللي معـي جرحـي وشبريّـه
أبقطع راس هالحيه بهالحـزه بـلا تسويـف
لما التسويف دام انـه أمامـي راس هالحيّـه
خطاك السوّ ياقلبي عسا أحزانك سحابه صيف
عساهـا يـوم وتعـدي ولاتنعـاد هالجـيّـه
متى كان الغدر كذبة غياب العقل والتخريـف
متى كان العذر لعبه تهـادي فـي يـد ابنيّـه
متى كان الغرام حطام مبني فوق سفح مخيـف
سكن به قصر ساكن بـه ثـلاث الاف جنيّـه
تهذري باسم عاشقها بزلـه مالهـا تصريـف
تقول فلان وانا فـلان واسمـه ماقـرب ليّـه
تقول أيووه ما اقصد لساني زلّ مدري كيـف
وقول أيووه يازينه كشف لـي حـال مخفيّـه
اذا هي خابت ظنونك وجيتيني بْهقاوي ضيف
تهقوى في كرم حاتم وحاتم مـات فـي طيّـه
ونا باموت في غيّي واموت اغنى عن التعريف
وبقريـك السـلام وكلمتينـن مـن قوافـيّـه
كتبتك ماني بْمجبر علـى قافـي ولا تكليـف
كتبتك بس اذكّر فيك بعـض أشيـاء منسيّـه
كتبتك شعر لاهو فخر أو حتى بعد توصيـف
كتبتك ذلّ بعيونـك وهـي ترجـي مواطيّـه
كتبتك بايعك مالي بعرفـك عـزٍّ وْ تشريـف
كتبتك رافعٍ راسـي ولااْْنظـر عنـد رجليّـه
كتبتك صدق ياكذبك صراحه دونما تحريـف
كتبتك أسـودٍ حالـك ذبـح أحـلام ورديّـه
كتبتك لنّ أشعاري لها عندي مـزاج وكيـف
تغلغل فـي عـروق الـدم تشفيلـي بلاويّـه
ونا ياكيف بدمحها وبنسا غدرهـا ياكيـف ؟
وهي جتني توقّظ نار تحـت الضلـع مطفيّـه
على عينك ثمان دموع كذابـه تبـي تجفيـف
وسقْت اللـي يطفـي دمعتـك ويبـرد الكيّـه


للشاعر / غشـــام

يعطيك العافـــــــــــية,,,,,,,


كلمات بغاية الروعة والجمــــــــــــال,,,,,


اشكركــــ ع طرحك الرااااااااااااااااقي,,,,,


دمتــــــــــي بود,,,,
















و